'नाभस योग' म्हणजे काय?

महत्त्वाची टीप:-

"याठिकाणी ज्योतिषशास्त्रातील योगांविषयी केवळ माहिती देण्यात आली आहे. परंतु, प्रत्येक व्यक्तीची जन्मपत्रिका, ग्रहांची स्थिती, गोचर भ्रमण, प्रारब्ध आणि इतर अनेक बाबी वेगवेगळ्या असतात. त्यामुळे केवळ एका योगाच्या आधारावर पत्रिकेविषयी कोणतेही अंतिम निष्कर्ष (Judgement) काढू नये. अचूक मार्गदर्शनासाठी योग्य आणि जाणकार ज्योतिषतज्ज्ञांचा सल्ला घेणे नेहमीच उचित ठरते."

प्रस्तावना:-

वैदिक ज्योतिषशास्त्र हा केवळ भविष्याचा वेध घेण्याचा मार्ग नाही, तर तो गणितीय आणि खगोलशास्त्रीयीय समीकरणांवर आधारलेला एक अफाट अभ्यास आहे. या अभ्यासामध्ये 'योग' या संकल्पनेला अत्यंत महत्त्वाचे स्थान आहे. जेव्हा दोन किंवा अधिक ग्रह विशिष्ट भावात किंवा राशीत एकत्र येतात, तेव्हा एका नव्या शक्तीचा किंवा 'योगाचा' जन्म होतो.बऱ्याचदा आपण ऐकतो की, "अमुक व्यक्तीच्या पत्रिकेत राजयोग आहे" किंवा "या योगामुळे धनलाभ होतो." पण नेमके हे योग काय असतात? ते कसे तयार होतात? आणि त्यांचे फळ कसे मिळते? या सर्व प्रश्नांची उत्तरे शोधणे प्रत्येक ज्योतिषप्रेमीसाठी उत्सुकतेचे ठरते.

ज्योतिषशास्त्रातील योग आणि त्याविषयी उपयुक्त माहिती देणारा हा विशेष लेख तुम्हाला या गूढ शास्त्राचे पदर उलगडून दाखवण्यास मदत करेल.

ज्योतिषशास्त्रातील गूढ आणि सुंदर रचना: 'नाभस योग'

आपल्या जन्मकुंडलीत अनेक प्रकारचे योग तयार होत असतात, ज्यांपैकी सर्वात महत्त्वाचे आणि मूळ योग म्हणजे 'नाभस योग' होय. ज्योतिषशास्त्रातील प्राचीन ग्रंथांमध्ये (जसे की बृहत् पराशर होरा शास्त्र आणि जातक पारिजात) नाभस योगांचे स्वतंत्र आणि सविस्तर वर्णन पाहायला मिळते.

चला तर मग, आजच्या या ब्लॉगमध्ये आपण जाणून घेऊया की हे 'नाभस योग' नेमके काय असतात, ते कसे तयार होतात आणि त्यांचा आपल्या जीवनावर काय प्रभाव पडतो.

'नाभस योग' म्हणजे काय?

'नभ' या शब्दाचा अर्थ 'आकाश' असा होतो. जेव्हा आकाशात (किंवा कुंडलीच्या १२ भावांमध्ये) सर्व ग्रह एका विशिष्ट भौमितिक आकारात किंवा स्थितीमध्ये वसलेले असतात, तेव्हा त्याला 'नाभस योग' असे म्हटले जाते. हे योग व्यक्तीच्या संपूर्ण आयुष्याची रचना, त्याचा स्वभाव, मानसिक प्रवृत्ती आणि जीवनाचा मुख्य प्रवाह दर्शवतात.

नाभस योगांचे महत्त्व आणि जीवनावरील प्रभाव

अनेकदा लोक फक्त 'राजयोग' किंवा 'धनयोग' यामागे धावतात, परंतु नाभस योग हे एखाद्या व्यक्तीच्या व्यक्तिमत्त्वाचा पाया मजबूत करतात. व्यक्तीचा स्वभाव कसा असेल, तो आयुष्यात कशा प्रकारच्या मार्गाचा अवलंब करेल, त्याचे मानसिक आरोग्य आणि त्याचे मूळ चरित्र समजून घेण्यासाठी नाभस योगांचा अभ्यास अत्यंत उपयुक्त ठरतो. हे योग माणसाला त्याच्या कर्माची आणि प्रारब्धाची दिशा दाखवतात.

महर्षी पराशरांच्या मते, नाभस योगांचे मुख्यत्वे ३२ प्रकार आहेत, ज्यांचे वर्गीकरण खालील चार प्रमुख वर्गांमध्ये केले जाते:-

नाभस योगांचे चार मुख्य प्रकार

१. आकृती योग (२० प्रकार)

२. संख्या योग (७ प्रकार) 

३. आश्रय योग (३ प्रकार) 

४. दल योग (२ प्रकार) 

पुढील प्रत्येक ब्लॉगमध्ये आपण एका-एका योगाविषयी सविस्तर माहिती घेणार आहोत... त्यामुळे रोज आमच्या ॲपला आवर्जून भेट द्या! - https://todaycalendar.co

तुम्हाला हा ब्लॉग आवडला तर नक्की शेअर करा!