જટાટવીગલજ્જલપ્રવાહપાવિતસ્થલે ગલેઽવલમ્બ્ય લમ્બિતાં ભુજઙ્ગતુઙ્ગમાલિકામ્। ડમડ્ડમડ્ડમડ્ડમન્નિનાદવડડ્ડમર્વયં ચકાર ચણ્ડતાણ્ડવં તનોતુ નઃ શિવઃ શિવમ્॥૧॥ જટાકટાહસંભ્રમભ્રમન્નિલિમ્પનિર્ઝરી વિલોલવીચિવલ્લરીવિરાજમાનમૂર્ધનિ। ધગદ્ધગદ્ધગજ્જ્વલલ્લલાટપટ્ટપાવકે કિશોરચન્દ્રશેખરે રતિઃ પ્રતિક્ષણં મમ॥૨॥ ધરાધરેન્દ્રનન્દિનીવિલાસબન્ધુબન્ધુર સ્ફુરદ્દિગંતસંતતિપ્રમોદમાનમાનસે। કૃપાકટાક્ષધોરણીનિરુદ્ધદુર્ધરાપદિ ક્વચિચ્ચિદમ્બરં મનો વિનોદમેતુ વસ્તુનિ॥૩॥ જટાભુજઙ્ગપિઙ્ગલસ્ફુરત્ફણામણિપ્રભા કદમ્બકુઙ્કુમદ્રવપ્રલિપ્તદિગ્વધૂમુખે। મદાન્ધસિન્ધુરસ્ફુરત્ત્વગુત્તરીયમેદુરે મનો વિનોદમૈતુ વસ્તુનિ॥૪॥ સહસ્રલોચનપ્રભૃત્યશેષલેખશેખર પ્રસૂનધૂલિધોરણી વિધૂસરાઙ્ઘ્રિપીઠભૂઃ। ભુજઙ્ગરાજમાલયા નિબદ્ધજાટજૂટકઃ શ્રિયૈ ચિરાય જાયતાં ચકોરબન્ધુશેખરઃ॥૫॥ લલાટચત્વરજ્વલદ્ધનઞ્જયસ્ફુલિઙ્ગભા- નિપીતપઞ્ચસાયકં નમન્નિલિમ્પનાયકમ્। સુધામયૂખલેખયા વિરાજમાનશેખરં મહાકપાલિસમ્પદે શિરોજટાલમસ્તુ નઃ॥૬॥ કરાલભાલપટ્ટિકાધગદ્ધગદ્ધગજ્જ્વલ- દ્ધનઞ્જયાહુતીકૃતપ્રચણ્ડપઞ્ચસાયકે। ધરાધરેન્દ્રનન્દિનીકુચાગ્રચિત્રપત્રક- પ્રકલ્પનૈકશિલ્પિનિ ત્રિલોચને રતિર્મમ॥૭॥ નવીનમેઘમણ્ડલી નિરુદ્ધદુર્ધરસ્ફુરત્- કુહૂનિશીથિનીતમઃ પ્રબન્ધબદ્ધકન્ધરઃ। nિલિમ્પનિર્ઝરીધરસ્તનોતુ કૃત્તિસિન્ધુરઃ કલાનિધાનબન્ધુરઃ શ્રિયં જગદ્ધુરંધરઃ॥૮॥ પ્રફુલ્લનીલપઙ્કજપ્રપઞ્ચકાલિમપ્રભા- વલમ્બિકણ્ઠકન્દલીરુચિપ્રબદ્ધકન્ધરમ્। સ્મરચ્છિદં પુરચ્છિદં ભવચ્છિદં મખચ્છિદં ગજચ્છિદાંધકચ્છિદં તમન્તકચ્છિદં ભજે॥૯॥ અખર્વસર્વમઙ્ગલાકલાકદમ્બમઞ્જરી- રસપ્રવાહમાધુરી વિજૃમ્ભણામધુવ્રતમ્। સ્મરાન્તકં પુરાન્તકં ભવાન્તકં મખાન્તકં ગજાંંતકાંતકં તમંતકાંતકં ભજે॥૧૦॥ જયત્વદભ્રવિભ્રમભ્રમદ્ભુજઙ્ગમશ્વસ- દ્વિનિર્ગમત્ક્રમસ્ફુરત્કરાલભાલહવ્યવાટ્। ધિમિદ્ધિમિદ્ધિમિધ્વનન્મૃદઙ્ગતુઙ્ગમઙ્ગલ ધ્વનિક્રમપ્રવર્તિત પ્રચણ્ડતાણ્ડવઃ શિવઃ॥૧૧॥ દૃષદ્વિચિત્રતલ્પયોર્ભુજઙ્ગમૌક્તિકસ્રજોર્- ગરિષ્ઠરત્નલોષ્ઠયોઃ સુહૃદ્વિપક્ષપક્ષયોઃ। તૃણારવિન્દચક્ષુષોઃ પ્રજામહીમહેન્દ્રયોઃ સમં પ્રવર્તયન્મનઃ કદા સદાશિવં ભજે॥૧૨॥ કદા નિલિમ્પનિર્ઝરીનિકુઞ્જકોટરે વસન્ વિમુક્તદુર્મતિઃ સદા શિરઃસ્થમઞ્જલિં વહન્। વિમુક્તલોલલોચનોલલામભાલલગ્નકઃ શિવેતિ મંત્રમુચ્ચરન્ કદા સુખી ભવામ્યહમ્॥૧૩॥ ઇદં હિ નિત્યમેવમુક્તમુત્તમોત્તમં સ્તવં પઠન્સ્મરન્બ્રુવન્નરો વિશુદ્ધિમેતિસન્તતમ્। હરે ગુરૌ સુભક્તિમાશુ યાતિ નાન્યથા ગતિં વિમોહનં હિ દેહિનાં સુશઙ્કરસ્ય ચિન્તનમ્॥૧૪॥ પૂજાવસાનસમયે દશવક્રત્રગીતં યઃ શમ્ભૂપૂજનપરં પઠતિ પ્રદોષે। તસ્ય સ્થિરાં રથગજેન્દ્રતુરઙ્ગયુક્તાં લક્ષ્મીં સદૈવ સુમુખિં પ્રદદાતિ શમ્ભુઃ॥૧૫॥