नवरात्रीतील सात्विक आहार आणि लंघनाचे महत्त्व

नवरात्रीतील सात्विक आहार आणि लंघनाचे महत्त्व :-

          नवरात्रीच्या ९ दिवसांत सात्विक आहाराला विशेष स्थान आहे. ऋतू बदलाच्या या काळात शरीराची प्रतिकारशक्ती टिकवून ठेवण्यासाठी आणि पचनसंस्था सुलभ राखण्यासाठी सात्विक अन्न अत्यंत फायदेशीर ठरते. या दिवसांत लंघन(उपवास किंवा सौम्य आहार) करणे अत्यंत आवश्यक असते. लंघनामुळे शरीराला डिटॉक्स होण्यास मदत होते, पचनाचा ताण कमी होतो आणि शरीरात नवीन ऊर्जा निर्माण होते.

च्या काळात अनेकदा रिफाइंड पांढरी साखर (White Sugar) खाल्ली जाते, जी शरीरासाठी हानिकारक आहे. पांढरी साखर खाल्ल्याने रक्तातील साखरेची पातळी अचानक वाढते आणि नंतर वेगाने खाली येते, ज्यामुळे थकवा जाणवतो. जेव्हा शरीराला अचानक ऊर्जेची गरज भासते किंवा आपण जास्त वेळ उपाशी राहतो, तेव्हा गोड खाण्याची तीव्र इच्छा (Sweet Craving) होते. अशा वेळी पांढऱ्या साखरेऐवजी नैसर्गिक गोडवा देणारे पर्याय वापरणे आरोग्यासाठी हितकारक ठरते.

हेल्दी कस्टर्ड रेसिपी :-

साहित्य :-

• दोन वाट्या दूध 
• अर्धी वाटी मखाने 
• आवडीनुसार फ्रुट्स (सफरचंद, केळ, डाळिंब)
• तीन चमचे देसी खांड 
• एक चमचा कस्टर्ड पावडर
•  

 कृती :-

        दूध गरम करायला ठेवा. त्यात तीन चमचे देसी खांड(साखर) घाला. मखाणे घालून थोडेसे मऊ होईपर्यंत गरम करा. त्यानंतर मखाणे दुधातून काढून घेऊन मिक्सरमधून थोडेसे बारीक करा. परत दुधामध्ये घालून उकळा. त्याबरोबर एक चमचा कस्टर्ड पावडर दुधामध्ये मिक्स करून त्या उकळत्या दुधात मिसळा आणि सतत ढवळत रहा. यानंतर घट्टसर झालेले ते मिश्रण थंड करा. एका काचेच्या कंटेनर मध्ये हे मिश्रण शिफ्ट करा आणि कापून ठेवलेली फळ त्यामध्ये मिक्स करा मग फ्रिजर किंवा फ्रिजमध्ये दोन तास (गार करायला ठेवा) सेट व्हायला ठेवा आणि मग सर्व्ह करा.

हे थंड पण हेल्दी कस्टर्ड एन्जॉय करा.